健腦操工作坊 – 學員分享

【以下是 剛完結的 2018 年 10月份健腦操工作坊的學員分享和體驗,供大家參考,對課程了解多一點】

學員分享 (一)
尋晚我冇做到守中的招式,但係幫阿筌做咗, 自己都感到正面,有能量左。 平時朝早 好忟憎 㗎,因為好忙碌咁照顧兩個仔返學, 最近有因為屋企裝修,好亂,更加辛苦。 點知今朝起身,望住好亂間屋呢我都唔覺得心煩, 仲好有耐性照顧阿仔返學,冇鬧過佢一句。 同老公食早餐嘅時候同佢分享健腦操,他也詫異今早我的改變,話安靜到他以為 自己瞓過龍添😅。

學員分享(二)
今個星期我主要也是勤做四式和一些眼球操,沒有做整個 balance ,但都很有效果。
經過今次健腦操的複課,真的獲益良多。真的很感恩 Patrick Sir 給我們無限次複課。
效益很大,沒有想像過自身的治愈力量可以那麼強。 我是一個負能量和負面思想超強的人,所以90%的時間是不開心、憂慮和妒忌的,亦因為這些原因使我很難成功以及頹喪。但今次頭兩堂的健腦操課已令我改變不少,思維平衡了很多,身體的疼痛也逐漸減輕了。最重要的改變係我竟然夠膽獨自出席一個午餐會(以前我一定唔會去的)。而我主要也只是做四式,但已經可以咁有效果。多謝 Patrick Sir, Ivy 及 Cherry 的提點 🙏🏻🙏🏻🙏🏻 而家要再鑽硏一下怎樣可以簡單地幫到別人 ☺☺

學員分享(三)
自我上堂以來,奇妙的事接踵而來(大家都見識過,不在此多講😏),因為,我深信這套“工具”,能幫我創造“奇蹟”。對自己及對人做前,先訂下一個你想達致的目標,然後慢慢一點一點地做,你便會發現事情的轉變。不論你的意圖是怎樣,你相信會變,便會變😊
祝各位“心想事成”💐💞🌈

學員分享(四)
大家早晨! 我覺得我自己距離做治療師又踏近左一大步 😐😐 今朝我個女去比賽,佢哋好緊張而且唔記得咗帶學生證,佢話緊張到好肚痛,比平時嘅我,我會瘋狂安慰佢。今朝我好唔同😁 我一步一步咁問佢嘅感覺,一直俾佢表達,好快佢就好似好咗好多 ✌🏻✌🏻✌🏻

學員分享(五)
今日早上同老師傾計,老師話阿B進步了很多,上堂專心左,阿B佢會叫D同學安靜,會唔會就係健腦操既功效呢~

學員分享(六)
仔仔靜靜雞做練習。隨住每日幫佢做啲啲,他整個人都改變了許多。我剛剛出席觀課,他的表現係4年來最好的。所有家長及老師,主任都不停讚,大家睇住佢成長了極多。我唔知點解brain gym 對我仔來說,有咁大轉變,anyway,中間紫色果個扭扭掣,我教左5年,一路都做唔到,剛才終於第一次成功自己做到。佢自己都好開心🤭

學員分享(七)
今日同爸爸做健腦操有進步呀⋯⋯爸爸無再講負面說話啦⋯⋯今次仲能夠捉住他雙手做交义爬……太感動啦🤧🤧🤧多謝 Ivy多謝 Patrick Sir 🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

學員分享(八)
我最近是靠靜觀+健腦操,幫我渡過一個又一個的難關。靜觀讓我平靜下來;健腦操為我提供正念和解決方法。以前我一遇到問題,都會變成超煩,不停問身邊人的意見,但太多的建議反而令我感到混亂,不知如何是好,情緒更急躁。現在遇到困難,我感到焦急煩躁,想不出解決方法時,便會找時間做靜觀,透過身體掃描,心會如實反映自己的需要,身體狀態,情緒和念頭,當心境平靜下來,我會繼續做健腦操,前晚的經驗是做交叉爬行時,心告訴我要做耐啲,於是我越做越落力,越來越輕鬆,腦海中的問題開始轉念,之後再做掛勾和正向觸點,就將轉念的想法變得更鞏固,感覺更真實。

學員分享(九)
實不相瞞,之前我自己係冇做,主要做在仔仔身上,而我自己係學冥想,靜觀自己內在的感覺,睇書自學清走內在負面情緒,成日問Patrick sir 意見(係超煩果種😎),從中學懂“轉念”,在生活中,不時有此方面的考驗,所以更加掌握得更加穩固。(並非一明白道理就懂,上天好好的,你學了,就會俾「練習」你,我果啲「功課」係勁甘,所以學得好快。學唔好,唔需要自責,因為會有無限機會,讓你懂為止😏)當我學懂“轉念”之後,負面情緒少左,同時又清理舊有的負面情緒,所以心靜的時間多了很多。心靜自然思緒比較清,人也舒暢得多

學員分享(十)
Patrick sir,我沒有偷懶呀! 昨天做了情緒的Balance,感覺充滿正能量和信心,能夠作出重大的決定,感恩!

今晚我遇到一位患有早期柏金遜的長輩,他步行時上半不能挺直,身會向前傾,更無法自控地向前衝,很容易跌倒。於是我叫他來回數次,感受自己步行時的姿勢,步伐和身心狀態,然後為他做身體素描,讓他放鬆身心,與他一起訂立目標:想身體挺直,步伐平穩。我帶他做基礎四式,他手無力,所以太太幫他做腦開關; 做交叉爬行時他左手拍左腳,右手拍右腳,提示後他可以改正過來,而且越做越起勁,所以讓他持續做到攰為止;掛勾雙手太硬所以讓他合著放胸前,最後由太太協助做正向觸點,按他印堂,他說自己有抑鬱,但現在感覺平靜。完成後,他在走廊來回數次,太太說他的腰挺直了,後腳也沒有再吊起來走路,來回了數次,步伐相當平穩。兩位老人家滿心歡喜,說要天天做。

Patrick sir, 多謝你的用心教導,我能夠透過分享,鞏固所學,真正做到助人助己!也感謝同學們的分享,讓我看到大腦的無限可能,加強我繼續學習健腦操的信心!😘🙏🏻